आदिशक्ती न्यूज

 खैराट ग्रामस्थ व मुंबई  मंडळ नवतरूणांच्या  संकल्पनेतून गणपती सजावट स्पर्धा! 

  किल्ले रायगड देखाव्याला सर्व प्रथम क्रमांक

 

तळा प्रतिनिधी कृष्णा भोसले

                खैराट ग्रामस्थ मंडळ व खैराट मूंबई मंडळ यांच्या संयुक्त विद्यमाने व नवतरुणांच्या संकल्पनेतून यावर्षी प्रथमच "गणपती सजावट स्पर्धा "........ २०२३ साली आयोजित करण्यात आली. या झालेल्या गणपती सजावटीच्या स्पर्धेत १३ गणेश भक्तांनी भाग घेतला.

 तीन प्रमुख पारितोषिकांमध्ये प्रथम क्रमांक श्री. गोविंद नारायण भोईर (किल्ले रायगड देखावा), द्वितीय क्रमांक श्री. प्रकाश दामोदर आडखळे (गड जेजुरी), आणि तृतीय क्रमांक श्री. अनंत नारायण नाडकर  (चंद्रयान-३) यांना मिळाला.

श्री.गोविंदशेठ भोईर ,श्री.नथुराम भोईर ( अध्यक्ष मुंबई मंडळ) श्री.राम नाडकर,श्री. अनंतशेठ नाडकर , श्री.संतोष भोईर, श्री. तुकाराम नाडकर यांच्या प्रमुख उपस्थितीत बक्षीस वितरण करण्यात आले. 

सजावट साहित्य तयार असलेले बाजारातून विकत न घेता आपल्या घरातील नैसर्गिक पर्यावरणपूरक साहित्याचा वापर करून कमीत कमी खर्चात निर्माण करुन आपल्या कलेच्या माध्यमातून सामाजिक प्रबोधन घडावे या दुहेरी उद्देशाने या स्पर्धेचे आयोजन करण्यात आले आहे 

प्रथम क्रमांकाचे पारितोषिक मिळविल्या देखाव्यात श्री छत्रपती शिवाजी महाराजांच्या ३५० व्या राज्याभिषेक सोहळ्याचे औचित्य साधून, किल्ले रायगडचा देखावा हा  महाराजांचे गड "किल्ले संवर्धन" करण्याच्या संकल्पनेतून प्रचार प्रसार करण्याच्या उद्देशाने साकार करण्यात आला होता . 

    या कार्यक्रमात सर्व तरुणानीं हिरारीने भाग घेतला होता

 विजेत्या व सहभागी सर्व स्पर्धकांचे आभार मानण्यात आले. असे विधायक कार्यक्रम गांवाना नविन दिशा देतील व  नाविन्यपूर्ण कार्यक्रम अधिक अधिक प्रोत्साहित करतील

अशी आशा निर्माण झाली आहे.