आदिशक्ती न्यूज

कु.सानिका बेंडेकरने सुमधुर गीत गाऊन श्रोत्यांची जिंकली मने 

सहा.पोलीस उपनिरीक्षक राम पवार यांनी केला गुणगौरव

कोलाड-श्याम लोखंडे 

 स्वानंद सुखनिवासी सदगुरु शिगवण महाराज स्थापित हरी ओम सतनाम वारकरी संप्रदाय समाज आयोजित अखंड हरिनाम सप्ताह महा नाम जप यज्ञ केले व ज्ञानेश्वरी पारायण सोहळ्याचे आयोजन नुकतेच श्रीक्षेत्र शिरगाव तालुका चिपळूण येथे करण्यात आले होते.

सदर सप्ताह दि. २९ डिसेंबर २०२१ ते ५ जानेवारी २०२२ या कालावधीत आयोजित करण्यात आला होता.या सप्ताहामध्ये राधाकृष्णाचे उत्कृष्ट गीत गाऊन मने जिंकणाऱ्या सानिका दिपक बेंडकर राहणार कुंभार्ली सांगळेवाडी तालुका चिपळूण जिल्हा रत्नागिरी या विद्यार्थिनीचा सुधागड-पाली पोलिस स्टेशनचे कार्यतत्पर व कर्तव्यदक्ष सहाय्यक पोलीस उपनिरीक्षक श्री.राम मारुती पवार यांच्या हस्ते शाल, श्रीफळ ,पुष्पगुच्छ व रोख रक्कम देऊन गौरव करण्यात आला.

सानिकाने भावी जीवनात खूप प्रगती करून आपल्या आई-वडिलांचे,गुरुजनांचे ,गावाचे नाव लौकिक करावे म्हणून शुभेच्छा देऊन कौतुक केले.

स्वानंद सुखनिवासी सदगुरु शिगवण महाराज संस्थापित हरिओम सनातन वारकरी संप्रदाय समाज आयोजित अखंड हरिनाम सप्ताह व महानामजप यज्ञ ज्ञानेश्वरी पारायण सोहळ्यास खूप वर्षांची परंपरा असून दरवर्षी श्रीक्षेत्र शिरगाव तालुका चिपळूण येथे सप्ताहमध्ये  हजारो भाविक येत असतात.